ស្វែងយល់អំពីព្រឹត្តិការណ៍ វគ្គបណ្តុះបណ្តាល វេទិកា និងសកម្មភាពចែករំលែកចំណេះដឹង ដែលគាំទ្រដល់ដំណើរបរិវត្តកម្មឌីជីថលរបស់កម្ពុជា។ ផ្នែកនេះជាកន្លែង ដើម្បីទទួលបានព័ត៌មានអំពីគំនិតផ្តួចផ្តើមសំខាន់ៗ ភ្ជាប់ទំនាក់ទំនងជាមួយអ្នកជំនាញក្នុងវិស័យ និងចូលរួមក្នុងឱកាសដែលជំរុញកិច្ចសហការ នវានុវត្តន៍ និងការកសាងសមត្ថភាពក្នុងយុគសម័យឌីជីថល។
វគ្គបណ្តុះបណ្តាលស្តីពី “មូលដ្ឋាននៃការចាប់យកឌីជីថលសម្រាប់សេដ្ឋកិច្ចក្រៅប្រព័ន្ធ” គឺជាវគ្គបណ្តុះបណ្តាលដែលមានរយៈពេល ១២ខែ និង មានសិក្ខាកាមចំនួន ២៤០០ នាក់ចូលរួម។ វគ្គបណ្តុះបណ្តាលនេះធ្វើឡើងក្នុងគោលបំណងបង្កើនភាពធន់ និង ពង្រឹងសមត្ថភាពអ្នកសេដ្ឋកិច្ចក្រៅប្រព័ន្ធ តាមរយៈបណ្តុះចំណេះដឹងមូលដ្ឋាន និង ជំនាញឌីជីថលសំខាន់ផ្សេងៗក្នុងសម័យឌីជីថល។
.jpg&w=3840&q=75)
“ការកសាងទំនុកចិត្តសម្រាប់អាជីវកម្មគ្លីនិក តាមរយ:មាតិកាចែករំលែកផ្នែកសុខភាព នៅលើបណ្ដាញសង្គម” លោកជំទាវវេជ្ជបណ្ឌិត តាន់ ឥន្ទដ្រាវីណា នាយិកានៃមន្ទីរសម្រាកព្យាបាលដេវ៉ាល់ដា
"តស់! ចាប់យកឌីជីថល!" ត្រូវបានរៀបចំឡើងដើម្បីជួយបង្កើនសមត្ថភាពអក្ខរកម្មឌីជីថលដល់សហគ្រាសគ្រប់កម្រិតឱ្យកាន់តែប្រសើរ តាមរយៈការស្វែងយល់អំពី ការវាស់ស្ទង់កម្រិតត្រៀមខ្លួនក្នុងការចាប់យកឌីជីថល ក៏ដូចជាការយល់ដឹងបន្ថែមលើដំណោះស្រាយឌីជីថល និង ឱកាសដើម្បីផ្សាភ្ជាប់ទំនាក់ទំនង តាមរយៈការផ្គូរផ្គងសហគ្រាសជាមួយនឹងអ្នកផ្តល់ដំណោះស្រាយឌីជីថល។
.png&w=3840&q=75)
ពិធីប្រកាសដាក់ឱ្យអនុវត្តជាផ្លូវការ និង សិក្ខាសាលាផ្សព្វផ្សាយនេះ គឺជាព្រឹត្តិការណ៍រយៈពេលកន្លះថ្ងៃ ដែលបោះបង្គោលចរជាប្រវត្តិសាស្រ្តក្នុងការប្ដេជ្ញាចិត្តអភិវឌ្ឍធុរកិច្ចថ្មីរបស់រាជរដ្ឋាភិបាលកម្ពុជា ដោយដាក់ចេញជាផ្លូវការនូវយុទ្ធសាស្រ្តជាតិស្ដីពីការអភិវឌ្ឍធុរកិច្ចថ្មី ឆ្នាំ ២០២៦-២០៣០ ដែលជាសមិទ្ធផលនៃការពិគ្រោះយោបល់កម្រិតប្រព័ន្ធអេកូឡូស៊ីទាំងមូល និង មេរៀនសម្របពីឧត្ដមានុវត្តន៍អន្តរជាតិ សំដៅបានកសាងមូលដ្ឋានគ្រឹះរួមគ្នាសម្រាប់ការលូតលាស់ទៅដំណាក់កាលបន្ទាប់នៃសហគ្រិនភាពនៅកម្ពុជា។
តស់! ចាប់យកឌីជីថល!" ត្រូវបានរៀបចំឡើងដើម្បីជួយបង្កើនសមត្ថភាពអក្ខរកម្មឌីជីថលដល់សហគ្រាសគ្រប់កម្រិតឱ្យកាន់តែប្រសើរ តាមរយៈការស្វែងយល់អំពី ការវាស់ស្ទង់កម្រិតត្រៀមខ្លួនក្នុងការចាប់យកឌីជីថល ក៏ដូចជាការយល់ដឹងបន្ថែមលើដំណោះស្រាយឌីជីថល និង ឱកាសដើម្បីផ្សាភ្ជាប់ទំនាក់ទំនង តាមរយៈការផ្គូរផ្គងសហគ្រាសជាមួយនឹងអ្នកផ្តល់ដំណោះស្រាយឌីជីថល។
គឺជាកម្មវិធីពន្លឿនអាជីវកម្មរយៈពេល ៣ ខែ ដោយផ្តល់ការដល់គាំទ្រដល់ក្រុមធុរកិច្ចថ្មី ក្នុងការបង្កើតដំណោះស្រាយប្រកបដោយនវានុវត្តន៍ ដែលអាចឆ្លើយតបទៅកាន់បញ្ហាប្រឈមក្នុងទីផ្សារ ជាមួយការតម្រង់ទិសពីអ្នកជំនាញក្នុងវិស័យនានា។
វេទិកាថ្នាក់ជាតិស្តីពីហិរញ្ញប្បទានសម្រាប់ធុរកិច្ច ឆ្នាំ២០២៦ គឺជាវេទិកាផ្សព្វផ្សាយពីយន្តការគាំទ្រនានារបស់រាជរដ្ឋាភិបាលឱ្យកាន់តែទូលំទូលាយ, ជំរុញកិច្ចសហប្រតិបត្តិការរវាងតួអង្គពាក់ព័ន្ធ និង ប្រមូលនូវមតិយោបល់ផ្សេងៗ ដើម្បីពង្រឹងយន្តការគាំទ្ររបស់រាជរដ្ឋាភិបាលទៅកាន់សហគ្រាសធុនមីក្រូ តូច និងមធ្យម ឱ្យកាន់តែមានប្រសិទ្ធភាព។ សម្រាប់ព័ត៌មានបន្ថែម៖ https://nbf.mef.gov.kh/
វគ្គបណ្តុះបណ្តាលស្តីពី “ ការអភិវឌ្ឍជំនាញ៖ ការរៀបចំយុទ្ធសាស្ត្រទីផ្សារសម្រាប់ធុរកិច្ចក្នុងសម័យឌីជីថល” គឺជាវគ្គបណ្តុះបណ្តាលដែលមានរយះពេល ៦សប្តាហ៍ ដែលរៀបចំឡើងក្នុងគោលបំណងបង្កើនចំណេះដឹង ពង្រឹងសមត្ថភាព និង ជំនាញឌីជីថលទៅដល់ធុរជន សហគ្រិន និងម្ចាស់ ឬ អ្នកគ្រប់គ្រងអាជីវកម្មឱ្យរីកលូតលាស់នៅក្នុងយុគសម័យឌីជីថល។ វគ្គបណ្តុះបណ្តាលនេះនឹងផ្តោតសំខាន់លើការផ្តល់ចំណេះដឹង និង ជំនាញអនុវត្តជាក់ស្តែងលើទីផ្សារឌីជីថល ការប្រើប្រាស់ឧបករណ៍ឌីជីថល ចំណេះដឹងមូលដ្ឋានអំពីជំនាញបញ្ញាសិប្បនិម្មិត(AI) ដើម្បីជួយដល់ម្ចាស់អាជីវកម្មអាចយកទៅប្រើប្រាស់ក្នុងអាជីវកម្មរាល់ថ្ងៃក្នុងសម័យឌីជីថល។
.jpg&w=3840&q=75)
“តើត្រូវស្តារ និង ពង្រឹងស្មារតីក្នុងការដឹកនាំអាជីវកម្មដែលរងផលប៉ះពាល់ ដោយរបៀបណា នៅពេលដែលជួបបញ្ហាឥតព្រាងទុក?” លោកស្រី ឈួន នីនីន អ្នកផលិតមាតិកា និងជាស្ថាបនិកនៃម៉ាកយីហោ SURA Cambodia Official
.jpg&w=3840&q=75)
“គន្លឹះខ្លីៗពីការសរសេរមាតិកាបែបលក់” អ្នកស្រី រិន សិទ្ធិនារី ស្ថាបនិក និងជានាយកទីផ្សារនៃភ្នាក់ងារទីផ្សារ We-Niche ដែលមានបទពិសោធន៍ជាច្រើនក្នុងការបង្កើតយុទ្ធសាស្ត្រមាតិកា និងទីផ្សារឌីជីថល
.jpg&w=3840&q=75)
ផលិតផលក្នុងស្រុក នាំចេញដោយមោទនភាព៖ គន្លឹះក្នុងការរៀបចំទីផ្សារក្នុងស្រុក និង ចូលទៅកាន់ទីផ្សារអន្តរជាតិ លោក អឿន ហួគី ប្រធានផ្នែកគណនេយ្យនៃក្រុមហ៊ុន លីលី ផលិតនំស្រួយ
វគ្គបណ្តុះបណ្តាលនេះត្រូវបានរៀបចំឡើងដោយគណៈកម្មាធិការសេដ្ឋកិច្ច និង ធុរកិច្ចឌីជីថល និង សហការរៀបចំដោយសម្ព័ន្ធសមាគមសហគ្រាសធុនតូច និង មធ្យមកម្ពុជា សមាគមសហគ្រិនវ័យក្មេងកម្ពុជា, សមាគមសហគ្រិនស្ត្រីកម្ពុជា។ វគ្គបណ្តុះបណ្តាលនេះត្រូវបានរៀបចំឡើងក្នុងគោលបំណងបង្កើនចំណេះដឹង សមត្ថភាព និង ជំនាញឌីជីថល ដោយរំពឹងថាផ្តល់ប្រយោជន៍ ទៅដល់ធុរជន សហគ្រិន និង ម្ចាស់ ឬ អ្នកគ្រប់គ្រងអាជីវកម្មចាប់យកបច្ចេកវិទ្យាឌីជីថល និង ជំនាញ យកទៅអនុវត្តក្នុងអាជីវកម្មឱ្យកាន់តែមានប្រសិទ្ធភាព និង កាន់តែប្រសើរជាងមុនក្នុងយុគសម័យឌីជីថល។ វគ្គបណ្តុះបណ្តាលនេះនឹងមាន ចំនួន ២ លើក។
.png)
