នៅអំឡុងពេលវិបត្តិ​​ បច្ចេកវិទ្យាបានបង្កើនភាពសំខាន់ ក៏ដូចជាសក្ដានុពលផ្នែកសេដ្ឋកិច្ច និង សង្គម​សម្រាប់បណ្ដាប្រទេសនានា។ លើផ្នែកបច្ចេកវិទ្យានៅអំឡុងពេលនៃវិបត្តិជំងឺក៏ឃើញការវិវឌ្ឍន៍យ៉ាងលឿននៃបច្ចេកវិទ្យានៅក្នុងវិស័យសុខាភិបាល (HealthTech) ​និងការអប់់រំ (EdTech)។ ក្នុ​ងនោះវិបត្តិជំងឺកូវីដ១៩បានពន្លឿនការផ្ដល់់ដំណោះស្រាយគាំទ្រដល់់អ្នកជំងឺតាមប្រព័ន្ធឌីជីថលដែលជួយសម្រួលដល់់លទ្ធភាពទទួលបានសេវាគាំទ្រសុខភាពដោយប្រើប្រាស់ថ្នាលសេវាសុខាភិបាលពីចម្ងាយ (Telemedicine)។ ទន្ទឹមនេះការប្រើប្រាស់បច្ចេកវិទ្យានៅក្នុងវិស័យអប់រំក៏មានការកើនឡើងគួរឱ្យកត់់សម្គាល់់ រួមជាមួយនឹងការផ្លាស់ប្តូរពីការអប់់រំប្រពៃណី ទៅការអប់រំតាមប្រព័ន្ធអេឡិចត្រូនិក។ ការណ៍នេះបានធ្វើឱ្យបច្ចេកវិទ្យាទាំង២នេះប្រែក្លាយទៅជាទិសដៅវិនិយោគដែលកំពុងទទួលបានការចាប់អារម្មណ៍ពីវិនិយោគិន។