បច្ចុប្បន្ន ហាំង សុខសេរី ប្រធាននាយកដ្ឋានគម្រោង នវានុវត្តន៍ និងកម្មវិធីអភិវឌ្ឍនៃអគ្គលេខាធិការដ្ឋានគណៈកម្មាធិការសេដ្ឋកិច្ច និងធុរកិច្ចឌីជីថល។ សុខសេរី បានបញ្ចប់បរិញ្ញាបត្រជាន់ខ្ពស់ ផ្នែកវិទ្យាសាស្ត្រកុំព្យូទ័រ មកពីសាកលវិទ្យាល័យ Heidelberg University (អាល្លឺម៉ង់) និង Maastricht University (ហូឡង់) នៅឆ្នាំ២០១១, បរិញ្ញាបត្រវិទ្យាសាស្ត្រកុំព្យូទ័រមកពីសាកលវិទ្យាល័យភូមិន្ទភ្នំពេញ (កម្ពុជា) និង បរិញ្ញាបត្រអប់រំផ្នែកភាសាអង់គ្លេសមកពីវិទ្យាស្ថានភាសាបរទេស (IFL) នៅឆ្នាំ ២០០៣។ សុខសេរី គឺជាអនុប្រធាននាយកដ្ឋានបុគ្គលិកទទួលបន្ទុករៀបចំប្រព័ន្ធគ្រប់គ្រងទិន្នន័យមន្ត្រីរាជការ នៅក្រសួងសេដ្ឋកិច្ច និងហិរញ្ញវត្ថុ (២០១៥), ជាបុគ្គលិកហាត់ការជំនួយការ Actuary នៃការិយាល័យវិភាគទិន្នន័យហិរញ្ញវត្ថុ នៃអង្គការពលកម្មអន្តរជាតិរបស់អង្គការសហប្រជាជាតិប្រចាំទីក្រុងហ្សឺណែវ (ប្រទេសស្វីស) (២០១២) និង ជាអនុប្រធានការិយាល័យព័ត៌មានវិទ្យាទទួលបន្ទុករៀបចំប្រព័ន្ធគ្រប់គ្រងទិន្នន័យកម្មករនិយោជិតនៃបេឡាជាតិរបបសន្តិសុខសង្គម (បសស) នៃក្រសួងការងារនិងបណ្តុះបណ្តាលវិជ្ជាជីវៈ (២០០៨)។  

       អ៊ុង ច័ន្ទសុផាឌណ្ណ គឺជាបុគ្គលិកទំនាក់ទំនងសាធារណៈនៃនាយកដ្ឋាន បណ្ដុះបណ្ដាល ផ្សព្វផ្សាយ និងសហប្រតិបត្តិការ នៃអគ្គលេខាធិការដ្ឋានគណៈកម្មាធិការសេដ្ឋកិច្ចនិងធុរកិច្ចឌីជីថល។ អ៊ុង ច័ន្ទសុផាឌណ្ណ បានបញ្ចប់ការសិក្សាថ្នាក់បរិញ្ញាបត្រ ផ្នែកគណនេយ្យ និងហិរញ្ញវត្ថុពីវិទ្យាស្ថានខេមអេដ នៅឆ្នាំ២០១៨។ លោកមានបទពិសោធន៍ការងារជា មន្រ្តីផ្នែកគាំទ្រលើការចុះបញ្ជីអាជីវកម្មនៅមជ្ឈមណ្ឌលបណ្ដុះធុរកិច្ចថ្មី “តេជោ” ។ ជាមួយនឹងបពិសោធន៍ការងារនេះផងដែរលោកក៏ធ្លាប់ជា សវនករជាន់ខ្ពស់នៅក្រុមហ៊ុន EY Cambodia និង PwC Cambodia។ លោកក៏មានបទពិសោធន៍ការងារជាមួយនឹងការគ្រប់គ្រង និងសហប្រតិបត្តិការជាមួយដៃគូ នៅក្រុមហ៊ុន Neteakhek Creative Solutions ផងដែរ។

      ថាល់ សុថាវី គឺជាបុគ្គលិកទំនាក់ទំនងសាធារណៈនៃនាយកដ្ឋាន បណ្ដុះបណ្ដាល ផ្សព្វផ្សាយ និងសហប្រតិបត្តិការ នៃអគ្គលេខាធិការដ្ឋានគណៈកម្មាធិការសេដ្ឋកិច្ចនិងធុរកិច្ចឌីជីថល។ សុថាវី បានបញ្ចប់ការសិក្សាថ្នាក់បរិញ្ញាបត្រ ផ្នែកកិច្ចការសកល មកពីសាកលវិទ្យាល័យអាមេរិកកាំងភ្នំពេញ នៅឆ្នាំ២០២២ និងផ្នែកទំនាក់ទំនង មកពីវិទ្យាស្ថានភាសាបរទេស នៅឆ្នាំ២០២១។ កញ្ញាមានបទពិសោធន៍ការងារជា អ្នកសរសេរ និងស្រាវជាវមាតិកា នៅក្រុមហ៊ុន Bamnang Creative Innovation និងជាគ្រូបង្រៀន មុខវិជ្ជាស្ថិតិ នៅ AUPP Learning Centre និងជាបុគ្គលិកហាត់ការផ្នែក ជំនួយការវិចារណកថា នៅមជ្ឈមណ្ឌលនេត្រាយុទ្ធសាស្រ្ត-វោហារ (VOHAR -Strategic Sight Center)។ 

      ប៉ែន រស្មីពេជ្រ បច្ចុប្បន្នមានតួនាទីជា បុគ្គលិកផ្នែករដ្ឋបាល នៃអគ្គលេខាធិការដ្ឋានគណៈកម្មាធិការសេដ្ឋកិច្ចនិងធុរកិច្ចឌីជីថល។ ចំពោះការសិក្សា រស្មីពេជ្រ បានបញ្ចប់សិក្សាបរិញ្ញាបត្រធនាគារ និងហិរញ្ញវត្ថុ នៅវិទ្យាស្ថានពាណិជ្ជសាស្រ្តអេស៊ីលីដា កាលពីឆ្នាំ២០២០ និងកំពុងបន្តការសិក្សាបរិញ្ញាបត្រជាន់ខ្ពស់ ជំនាញវិទ្យាសាស្រ្តសេដ្ឋកិច្ច នៅរាជបណ្ឌិត្យសភាកម្ពុជា។ ចំណែកបទពិសោធន៍ការងារ ធ្លាប់បានបម្រើការងារនៅលេខាធិការដ្ឋាន គ.ជ.អ.ប. (NCDD) នៃក្រសួងមហាផ្ទៃ មានតួនាទីជាជំនួយការរដ្ឋបាល នៃគម្រោង LASED-II (២០១៩-២០២១)។ បន្ទាប់មក រស្មីពេជ្រ បានជាប់ជាមន្រ្តីជាប់កិច្ចសន្យាផ្នែកគាំទ្រសេវាបច្ចេកវិទ្យាពត៌មាន នៃអគ្គនាយកដ្ឋានពន្ធដារ (២០២១-២០២២)។

វិរ៉ានុត ជាអនុប្រធាននាយកដ្នានរដ្ឋបាល និង ធនធានមនុស្ស នៅក្នុងអគ្គលេខាធិការដ្ឋាន គណៈកម្មាធិការសេដ្ឋកិច្ច និងធុរកិច្ចឌីជីថល។ កញ្ញា បានបញ្ចប់ថ្នាក់បរិញ្ញាបត្រជំនាញគណនេយ្យ និងហិរញ្ញវត្ថុ ពីវិទ្យាស្ថានខេមអេដ និងបានបញ្ចប់ថ្នាក់បរិញ្ញាបត្រជំនាញទំនាក់ទនងអន្តរជាតិពីវិទ្យាស្ថានភាសាបរទេសនៃសកលវិទ្យាល័យភូមិន្ទភ្នំពេញ។ មុនពេលចូលបម្រើការជាបុគ្គលិកហិរញ្ញវត្ថុនេះ, កញ្ញា មានបទពិសោធន៍ការងារជាសាវនករនៅក្រុមហ៊ុន PwC Cambodia និងជាបុគ្គលិកហាត់ការនៅស្ថានទូតអាមេរិកប្រចាំនៅប្រទេសកម្ពុជាផងដែរ។ បច្ចុប្បន្ន កញ្ញាកំពុងតែបន្តការសិក្សាថ្នាក់អនុបណ្ឌិតជំនាញគណនេយ្យ និងហិរញ្ញវត្ថុ។

      បច្ចុប្បន្ន លោក គា ស៊ីណាត មានតួនាទីជាបុគ្គលិកគ្រប់គ្រង់ផ្នែកអភិវឌ្ឍកម្មវិធី និងធ្លាប់ជាបុគ្គលិកផ្នែករចនា និងអភិវឌ្ឍគេហទំព័រនៅអគ្គលេខាធិការដ្ឋាននៃគណៈកម្មាធិការសេដ្ឋកិច្ច និងធុរកិច្ចឌីជីថល។ គាត់បានបញ្ចប់ការសិក្សាថ្នាក់បរិញ្ញាបត្រជាន់ខ្ពស់ ផ្នែកវិស្វកម្មបច្ចេកវិទ្យាព័ត៌មាន មកពីសាកលវិទ្យាល័យភូមិន្ទភ្នំពេញនៅក្នុងឆ្នាំ២០២៣ និង ថ្នាក់បរិញ្ញាបត្រផ្នែកសេដ្ឋកិច្ចព័ត៌មានវិទ្យា ពីសាកលវិទ្យាល័យភូមិន្ទនិតីសាស្រ្ត និងវិទ្យាសាស្រ្តសេដ្ឋកិច្ចក្នុងឆ្នាំ២០១៨។ កំឡុងឆ្នាំ២០១៨ ដល់ ២០២២ គាត់បានបំពេញការងារផ្នែកបណ្ណារក្សនៅបណ្ណាល័យភូមិន្ទនិតីសាស្រ្ត និងវិទ្យាសាស្រ្តសេដ្ឋកិច្ចដែលមានជំនាញអ្នកគាំទ្រផ្នែកបច្ចេកទេស និងអភិវឌ្ឍកម្មវិធីដើម្បីគាំទ្រដល់ការអភិវឌ្ឍន៍បណ្ណាល័យ។

      វណ្ណលិ បច្ចុប្បន្នជាបុគ្គលិកស្រាវជ្រាវគោលនយោបាយនៃអគ្គលេខាធិការដ្ឋាននៃគណៈកម្មធិការសេដ្ឋកិច្ចនិងធុរកិច្ចឌីជីថល។ លោកធ្លាប់បម្រើការងារជាអ្នកជំនាញផ្នែក PFM នៅអគ្គលេខាធិការដ្ឋាននៃគណៈកម្មាធិការកែទម្រង់ការគ្រប់គ្រងហិរញ្ញវត្ថុសាធារណៈ (GSC) នៃក្រសួងសេដ្ឋកិច្ច និងហិរញ្ញវត្ថុ និងជាអ្នកវិភាគទិន្នន័យស្រាវជ្រាវនៅក្រសួងអប់រំ យុវជន និងកីឡា។ អំឡុងពេលសិក្សាថ្នាក់បរិញ្ញាបត្រលោកក៏ធ្លាប់ធ្វើការជាជំនួយការផ្នែកស្រាវជ្រាវរយៈពេល ២ ឆ្នាំនៅសាកលវិទ្យាល័យ ឃីងដៃ ប្រទេសជប៉ុន និង ជានិស្សិតហាត់ការនៅវិទ្យាស្ថានបណ្តុះបណ្តាល និងស្រាវជ្រាវដើម្បីអភិវឌ្ឍន៍កម្ពុជា (CDRI)។
វណ្ណលិទទួលបរិញ្ញាបត្រផ្នែកសេដ្ឋកិច្ច ពីសាកលវិទ្យាល័យឃីងដៃ ប្រទេសជប៉ុនក្រោមអាហារូបករណ៍រដ្ឋាភិបាលជប៉ុន និងទទួលបានអាហារូបករណ៍ Eiffel របស់រដ្ឋាភិបាលបារាំងក្នុងការបន្តថ្នាក់អនុបណ្ឌិតផ្នែកសេដ្ឋកិច្ចពី Toulouse School of Economics (TSE)។

       បច្ចុប្បន្ន ងួន ជីវ័ន្ត មានតួនាទីជាបុគ្គលិកជំនាញរចនាក្រាហ្វិច ក្នុងក្របខណ្ឌនៃកម្មវិធី "ទេពកោសល្យសម្រាប់សេដ្ឋកិច្ចឌីជីថល Talents for digital economy" នៃអគ្គលេខាធិការសេដ្ឋកិច្ច និងធុរកិច្ចឌីជីថល។ កម្រិតវប្បធម៏ បញ្ចប់ការសិក្សាបរិញ្ញាបត្រគ្រប់គ្រងពាណិជ្ចកម្ម ឆ្នាំ២០១៧ នៅសកលវិទ្យាល័យជាតិគ្រប់គ្រង។ បទពិសោធន៏ការងារ (ការងារចុងក្រោយ) បម្រើការងារនៅ Luxelite Group តួនាទីបុគ្គលិកជំនាញរចនាក្រាហ្វិច និងរចនាចលនាក្រាហ្វិច។

      អឿន សុវណ្ណបូឌា បច្ចុប្បន្នមានតួនាទីជាបុគ្គលិកជំនាញរចនាក្រាហ្វិក ក្នុងក្របខណ្ឌនៃកម្មវិធី "ទេពកោសល្យសម្រាប់សេដ្ឋកិច្ចឌីជីថល Talents for Digital Economy"  នៃអគ្គលេខាធិការដ្ឋានគណៈកម្មាធិការសេដ្ឋកិច្ចនិងធុរកិច្ចឌីជីថល។ ចំពោះការសិក្សា បានបញ្ចប់ការសិក្សាបរិញ្ញាបត្រផ្នែកប្លង់ និងរចនា នៅវិទ្យាស្ថានស៊ីតិក នៅក្នុងឆ្នាំ ២០២០ ចំណែកបទពិសោធន៍ការងារ កញ្ញាធ្លាប់បានបម្រើការងារនៅ បុរី ប៉េង ហេង តួនាទីជាបុគ្គលិករចនាក្រាហ្វិច (២០២០-២០២២) និងនៅ THH Import Export CO.,LTD (២០១៩-២០២០)។

     សុផានិត ជាបុគ្គលិកដឹកនាំបច្ចេកវិទ្យាឌីជីថល នៅអគ្គលេខាធិការដ្ឋាននៃគណៈកម្មាធិការសេដ្ឋកិច្ចនិងធុរកិច្ចឌីជីថល ក្រោមកម្មវិធី "ទេព្យកោសល្យសម្រាប់សេដ្ឋកិច្ចឌីជីថល"។ គាត់ទទួលបាន បរិញ្ញាបត្រពាណិជ្ជកម្ម និង បរិញ្ញាបត្រព័ត៌មានបច្ចេកវិទ្យា ពីសាកលវិទ្យាល័យញូវខាសល ប្រទេសអូស្ត្រាលី។

នៅឆ្នាំ ២០២០ គាត់បានចូលរួមជាអ្នកហាត់ការវិភាគកម្មវិធីក្នុងក្រុមអ្នកវិភាគទិន្នន័យនិស្សិតនិងបុគ្គលិករបស់សាកលវិទ្យាល័យ ដើម្បីស្វែងយល់និងសិក្សាអំពីបច្ចេកវិទ្យា Machine Learning មួយចំនួនដែលសមស្របសម្រាប់ការអភិវឌ្ឍស្ថានភាពទូទៅរបស់និស្សិត និងបុគ្គលិកនៃសកលវិទ្យាល័យ។

នៅឆ្នាំ ២០២១ គាត់បានចូលបម្រើការងារនៅធនាគារ ABA ជាមន្ត្រីគ្រប់គ្រងគម្រោងនៅនាយកដ្ឋានប្រព័ន្ធកាត ដែលទទួលបានបទពិសោធន៍ ក្នុងការគ្រប់គ្រងគម្រោងទាក់ទងនឹង ការធ្វើបច្ចុប្បន្នភាពនិងធ្វើតេស្តប្រព័ន្កកាត ការធ្វើតេស្តប្រព័ន្តទូទាត់ ការចាប់យកកម្មវិធី និងគោលនយោបាយ DevOps និង គម្រោងផ្សេងៗទៀត។

បច្ចុប្បន្ន មែរ សេងហ្វៃ ជាបុគ្គលិកជំនាញផ្នែករចនា និង អភិវឌ្ឍន៍គេហទំព័រក្នុងក្របខណ្ឌ "ទេពកោសល្យសម្រាប់សេដ្ឋកិច្ចឌីជីថល Talents for Digital Economy" នៃអគ្គលេខាធិការសេដ្ឋកិច្ចនិងធុរកិច្ចឌីជីថល។ លោក បានបញ្ចប់ការសិក្សាថ្នាក់បរិញ្ញាបត្រវិស្វករ ផ្នែកវិទ្យាសាស្រ្តកុំព្យូទ័រនៅវិទ្យាស្ថានបច្ចេកវិទ្យាកម្ពុជាក្នុងឆ្នាំ២០១៩។

ដាវីន​ បច្ចុប្បន្ន គឺជាបុគ្គលិក បណ្ដុះបណ្ដាល ផ្សព្វផ្សាយ និងសហប្រតិបត្តិការ នៃអគ្គលេខាធិការដ្ឋានគណៈកម្មាធិការសេដ្ឋកិច្ចនិងធុរកិច្ចឌីជីថល។​​ ដាវីន បានបញ្ចប់ការសិក្សាបរិញ្ញាបត្រ ផ្នែកគណនេយ្យ និងហិរញ្ញវត្ថុពីវិទ្យាស្ថានខេមអេដ។ មុនចូលបម្រើការងារនៅ គ.ស.ធ.ឌ ដាវីនធ្លាប់មានបទពិសោធន៍ការងារជាបុគ្គលផ្នែកទីផ្សារនៅក្រុមហ៊ុន​ ភ័ញធរ​ (Pointer Property)។