កម្មវិធីកិច្ចពិភាក្សាតាមក្រុមស្ដីពី "ទស្សនៈរបស់ភាគីពាក់ព័ន្ធលើសក្តានុពលរបស់ប្រទេសកម្ពុជាក្នុងការចរចាកិច្ចព្រមព្រៀងសេដ្ឋកិច្ចឌីជីថល"
ភ្នំពេញ៖ នារសៀលថ្ងៃទី ១០ ខែ សីហា ឆ្នំា ២០២៣ នៅសណ្ឋាគារអកវ៉ូតព្រីមៀរភ្នំពេញ (Oakwood Premier Phnom Penh) អគ្គលេខាធិការដ្ឋាននៃគណៈកម្មាធិការសេដ្ឋកិច្ចនិងធុរកិច្ចឌីជីថល (គ.ស.ធ.ឌ.) បានសម្របសម្រួល និងរៀបចំកម្មវិធីកិច្ចពិភាក្សាតាមក្រុមអំពី "ទស្សនៈរបស់ភាគីពាក់ព័ន្ធលើសក្តានុពលរបស់ប្រទេសកម្ពុជាក្នុងការចរចាកិច្ចព្រមព្រៀងសេដ្ឋកិច្ចឌីជីថល (Digital Economy Agreement)" ដើម្បីប្រមូលទិន្នន័យ និងវិភាគទៅលើភាពខ្លាំង ភាពខ្សោយ កាលានុវត្តភាព និងការគំរាមកំហែងទាក់ទងនឹងកិច្ចព្រមព្រៀងសេដ្ឋកិច្ចឌីជីថលនៅកម្ពុជា។
កិច្ចពិភាក្សានេះ បានរៀបចំឡើងក្រោមអធិបតីភាពដ៏ខ្ពង់ខ្ពស់របស់ ឯកឧត្តមបណ្ឌិត តាំង ងួនលី អគ្គលេខាធិការរងនៃអគ្គលេខាធិការដ្ឋានគណៈកម្មាធិការសេដ្ឋកិច្ចនិងធុរកិច្ចឌីជីថល...