ឈី រតនៈ ជាបុគ្គលិកគ្រប់គ្រងបច្ចេកវិទ្យាឌីជីថលនៅអគ្គលេខាធិការដ្ឋានគណៈកម្មាធិការសេដ្ឋកិច្ច និងធុរកិច្ចឌីជីថល (គ.ស.ធ.ឌ.)។ លោកកំពុងធ្វើការជាអ្នកសម្របសម្រួលរវាងនាយកដ្ឋានទំនាក់ទំនងសាធារណៈ និង នាយកដ្ឋានអភិវឌ្ឍន៍។ រតនៈ ទទួលបានសញ្ញាបត្រអនុបណ្ឌិតផ្នែកគ្រប់គ្រងព័ត៌មានវិទ្យាពីសាកលវិទ្យាល័យ Indiana University, Kelley School of Business (សហរដ្ឋអាមេរិក) និងបរិញ្ញាបត្រវិទ្យាសាស្ត្រព័ត៌មានវិទ្យាពីសាកលវិទ្យាល័យ Indiana University (សហរដ្ឋអាមេរិក)។ បច្ចុប្បន្នលោកក៏កំពុងបន្តការសិក្សាថ្នាក់បណ្ឌិត, បណ្ឌិតគ្រប់គ្រងពាណិជ្ជកម្មជាមួយនឹងជំនាញប្រព័ន្ធព័ត៌មានវិទ្យានៅសាកលវិទ្យាល័យ Indiana Wesleyan University (សហរដ្ឋអាមេរិក)។ មុនពេលតំណែងបច្ចុប្បន្ន, រតនៈមានបទពិសោធន៍ជាងប្រាំមួយឆ្នាំដែលមានជំនាញវិជ្ជាជីវៈធ្វើការនៅក្នុងក្រុមហ៊ុនបច្ចេកវិទ្យាជាច្រើននៅក្នុងសហរដ្ឋអាមេរិក ដូចជាក្រុមហ៊ុន Ingram Micro និង Johnson Controls ឯកទេសផ្នែកវិស្វកម្មឧស្សាហកម្ម, ការគ្រប់គ្រងព័ត៌មានវិទ្យា, និងការវិភាគទិន្នន័យ។
